မလေးရှားတွင် ၁၈.၇ ပေရှည်သည့် စံချိန်တင် မိကျောင်းကြီးကို ဖမ်းဆီးရမိ၊ ဘာရမ်မြစ်တစ်လျှောက် ၁၀ ကောင်မြောက် ဖမ်းဆီးမှုဖြစ်

မလေးရှားနိုင်ငံ၊ ဆာရာဝက် (Sarawak) ပြည်နယ်၊ ဘာရမ်မြစ် (Baram River) အနီးရှိ ရွာသူရွာသားများနှင့် တိရစ္ဆာန်ထိန်းသိမ်းရေး အဖွဲ့များသည် ဒေသခံများအား အန္တရာယ်ပြုနိုင်သည့် အလျား ၁၈.၇ ပေ (၅.၇ မီတာ) ရှိသည့် စံချိန်တင် အကောင်ကြီးမားသော မိကျောင်းကြီးတစ်ကောင်ကို ယမန်နေ့က ဖမ်းဆီးရမိခဲ့သည်။ အဆိုပါ မိကျောင်းသည် ယခုနှစ်အတွင်း ဘာရမ်မြစ်တစ်လျှောက် ၁၀ ကောင်မြောက် ဖမ်းဆီးရမိသည့် မိကျောင်း ဖြစ်သည်။ဒေသခံ ပြည်သူများ၏ ဘေးကင်းလုံခြုံရေးအတွက် ဆာရာဝက် သစ်တော ကော်ပိုရေးရှင်း (SFC) နှင့် ပူးပေါင်း၍ စနစ်တကျ ဖမ်းဆီးခဲ့ခြင်းဖြစ်ပြီး၊ အလေးချိန် ဝမ်တစ်တန်ကျော်ရှိသည့် အဆိုပါ မိကျောင်းကြီးအား တိရစ္ဆာန် ဘေးမဲ့စခန်းသို့ အန္တရာယ်ကင်းစွာ ပြောင်းရွှေ့ပေးခဲ့သည်။ အာဏာပိုင်များက မြစ်ချောင်းများအတွင်း မိကျောင်း အန္တရာယ် သတိပြုကြရန်နှင့် တွေ့ရှိပါက သက်ဆိုင်ရာသို့ ချက်ချင်း အကြောင်းကြားကြရန် အသိပေး နှိုးဆော်ထားသည်။