ဗီယက်နမ်ရဲတပ်ဖွဲ့ တရုတ်နိုင်ငံထုတ် လေးခွနှင့် လက်နက်အစိတ်အပိုင်းများ တရားမဝင် တင်သွင်းဖြန့်ဖြူးသည့် ကွန်ရက်ကို ဖမ်းဆီးရမိ

ဗီယက်နမ်နိုင်ငံ၊ သန့်ဟွာ (Thanh Hoa) ပြည်နယ် ရဲတပ်ဖွဲ့သည် တရုတ်နိုင်ငံမှ တရားမဝင် တင်သွင်းလာသည့် လေးခွသေနတ် (Slingshot guns) အစိတ်အပိုင်း ထောင်ပေါင်းများစွာကို အွန်လိုင်း လူမှုကွန်ရက်များနှင့် အဝေးပြေး မော်တော်ယာဉ်လိုင်းများမှတစ်ဆင့် ဝယ်ယူဖြန့်ဖြူးနေသည့် တရားမဝင် ကွန်ရက်တစ်ခုကို ဖြိုခွဲဖမ်းဆီးနိုင်ခဲ့သည်။စုံစမ်းစစ်ဆေးမှုများအရ အဆိုပါ ကွန်ရက်သည် TikTok ကဲ့သို့သော လူမှုကွန်ရက် ပလပ်ဖောင်းများမှတစ်ဆင့် တရုတ်နိုင်ငံထုတ် လေးခွသေနတ် အစိတ်အပိုင်းများ၊ သံမဏိ ကြိုးများ၊ ချိန်ရွယ်ကိရိယာများနှင့် ခရီးဆောင် မြှားပစ် ကိရိယာများကို မှာယူကာ ဟာနွိုင်နှင့် အခြား ပြည်နယ်များသို့ ဖြန့်ဖြူးပေးခဲ့ခြင်းဖြစ်သည်။ ရဲတပ်ဖွဲ့က ပါဝင်ပတ်သက်သူများကို ဖမ်းဆီးရမိခဲ့ပြီး ပစ္စည်းသေတ္တာ ရာပေါင်းများစွာနှင့် အစိတ်အပိုင်း ထောင်ပေါင်းများစွာကို သိမ်းဆည်းရမိခဲ့သည်။ အာဏာပိုင်များက လုပ်ငန်းသုံး မော်တော်ယာဉ်လိုင်းများနှင့် အမြန်ချောပို့ လုပ်ငန်းများအနေဖြင့် မသင်္ကာဖွယ် ပါဆယ်ထုတ်များကို စိစစ်ရန်နှင့် ပြည်သူများအနေဖြင့် တရားမဝင် လက်နက်/ပစ္စည်းများကို ဝယ်ယူသုံးစွဲခြင်း မပြုကြရန် သတိပေးနှိုးဆော်ထားသည်။