ထိုင်းနိုင်ငံ၊ ဘန်ကောက်မြို့ Sampheng ဈေးဝန်းကျင်ရှိ ဆိုင်ခြောက်ဆိုင်အား ရှောင်တခင် စစ်ဆေးခဲ့ရာ စံချိန်စံညွှန်း မမီသည့် Squishy အရုပ် ၁၉,၆၆၅ ခု (ဘတ်ငွေ ၁ သန်းကျော်တန်ဖိုး) ကို ထိုင်းစက်မှုထုတ်ကုန် စံချိန်စံညွှန်းအင်စတီကျု (TISI) က သိမ်းဆည်းရမိခဲ့သည်။အဆိုပါ အရုပ်များသည် အရည်အသွေးနိမ့် အမြှုပ်သားများဖြင့် ပြုလုပ်ထားပြီး ကင်ဆာဖြစ်နိုင်ခြေရှိသည့် VOCs နှင့် Phthalates ကဲ့သို့ ဓာတုပစ္စည်းများ ပါဝင်နိုင်ကြောင်း သိရသည်။ ထို့ပြင် စားစရာပုံစံနှင့် အမွှေးနံ့များ ပါရှိသဖြင့် ကလေးများ ပါးစပ်အတွင်း ထည့်မိပါက အဆိပ်အတောက် ဖြစ်နိုင်သည့် အန္တရာယ်လည်း ရှိနေသည်။TISI အမှတ်တံဆိပ် မပါရှိသည့် အရုပ်များကို ရောင်းချပါက ထောင်ဒဏ် ၆ လ သို့မဟုတ် ဒဏ်ငွေ ဘတ် ၅ သိန်း (သို့မဟုတ်) ပြစ်ဒဏ်နှစ်ရပ်လုံး ကျခံရမည်ဖြစ်ပြီး တရားမဝင် တင်သွင်းပါက ထောင်ဒဏ် ၂ နှစ် သို့မဟုတ် ဒဏ်ငွေ ဘတ် ၂ သန်းအထိ အရေးယူခံရမည်ဖြစ်သည်။
