တောင်ကိုရီးယား၌ ၂၀၂၆ ခုနှစ် ပထမနှစ်ဝက်အတွင်း မူးယစ်ဆေးဝါး ကျူးလွန်သူ ၅,၂၀၀ ကျော်ကို ရဲတပ်ဖွဲ့က ဖမ်းဆီးရမိ

တောင်ကိုရီးယား အမျိုးသားရဲတပ်ဖွဲ့သည် ၂၀၂၆ ခုနှစ် ပထမနှစ်ဝက်အတွင်း စမဂ္ဂလင်းနှင့် မူးယစ်ဆေးဝါး နှိမ်နင်းရေး အထူးစီမံချက်များ ပြုလုပ်ခဲ့ရာ မူးယစ်ဆေးဝါးနှင့် ပတ်သက်၍ ပြစ်မှုကျူးလွန်သူ စုစုပေါင်း ၅,၂၀၃ ဦးကို ဖမ်းဆီးရမိခဲ့ပြီး ယင်းအနက် ၁,၀၃၉ ဦးကို ထိန်းသိမ်းထားကြောင်း တနင်္ဂနွေနေ့တွင် ထုတ်ပြန်ခဲ့သည်။အဆိုပါ ဖမ်းဆီးရမိသူများအနက် မူးယစ်ဆေးဝါး ထုတ်လုပ်ခြင်း၊ မှောင်ခိုသွင်းခြင်းနှင့် ရောင်းချခြင်းတို့တွင် ပါဝင်သည့် မူးယစ်ဆေး ထောက်ပံ့သူများမှာ ၃၉.၂ ရာခိုင်နှုန်း ရှိခဲ့ပြီး အွန်လိုင်းမှတစ်ဆင့် မူးယစ်ဆေးဝါး ရောင်းဝယ်ဖောက်ကားသူ ပမာဏမှာ ၄၁.၉ ရာခိုင်နှုန်းအထိ မြင့်တက်လာခဲ့သည်။ ထို့ပြင် နိုင်ငံခြားသား မူးယစ်ဆေး ပြစ်မှုကျူးလွန်သူ ၈၄၈ ဦးအထိ ပါဝင်ခဲ့ကာ ရဲတပ်ဖွဲ့အနေဖြင့် မူးယစ်ဆေးဝါး ရောင်းဝယ်မှုမှ ရရှိသည့် တရားမဝင် ဘဏ္ဍာငွေ ကိုရီးယားဝမ် ၃.၈၄ ဘီလီယံ (အမေရိကန်ဒေါ်လာ ၂.၆၆ သန်းခန့်) ကို ပြန်လည်သိမ်းဆည်းနိုင်ခဲ့သည်။ ရဲတပ်ဖွဲ့သည် ဒုတိယနှစ်ဝက်တွင် တယ်လီဂရမ်နှင့် ကရစ်ပတိုကာရင်စီများ အသုံးပြု၍ အွန်လိုင်းမှ မူးယစ်ဆေး ရောင်းဝယ်နေမှုများကို ပိုမိုဖိဖိစီးစီး တိုက်ဖျက်သွားမည်ဖြစ်သည်။