ဧရာဝတီတိုင်းဒေသကြီး၊လေးမျက်နှာမြို့နယ် ရေဘေးကယ်ဆယ်ရေးသုံး ယာဉ်များနှင့် စက်လှေများအတွက် စက်သုံးဆီများကို ဟင်္သာတမြို့ရှိ ဆိုင် ၉ ဆိုင်၌ ဝယ်ယူနိုင်

ဧရာဝတီတိုင်း၊ လေးမျက်နှာမြို့နယ်တွင် ငဝန်မြစ်ရေကာတာ ကျိုးကျမှုကြောင့် ရေကြီးရေလျှံမှုများ ဖြစ်ပေါ်လျက်ရှိရာ ကူညီကယ်ဆယ်ရေး လုပ်ဆောင်နေသည့် အဖွဲ့အစည်းများနှင့် လူမှုကူညီရေး အသင်းအဖွဲ့များ အသုံးပြုသည့် ကားများနှင့် စက်လှေများအတွက် လိုအပ်သော စက်သုံးဆီများကို ဟင်္သာတမြို့ရှိ စက်သုံးဆီအရောင်းဆိုင် ၉ ဆိုင်တွင် ဝယ်ယူနိုင်ကြောင်း ဧရာဝတီတိုင်းဒေသကြီး အစိုးရအဖွဲ့၏ အသိပေးထုတ်ပြန်ချက်အရ သိရသည်။