ရန်ကုန်တိုင်းဒေသကြီး၊ရွှေတိဂုံစေတီတော်၌ ဝိနယပိဋကကျမ်းမြတ် ရွတ်ဖတ်ပူဇော်ပွဲနှင့် ဆီမီး ၁၁၁,၁၁၁ ပူဇော်လှူဒါန်းပွဲ ကျင်းပ

ရွှေတိဂုံစေတီတော် ရာဟုထောင့် ချမ်းသာကြီးတန်ဆောင်း၌ ဗီယက်နမ်နိုင်ငံမှ အလှူရှင်များ၏ စုပေါင်းလှူဒါန်းမှုဖြင့် ပါဠိဝိနယပိဋကကျမ်းမြတ် ရွတ်ဖတ်ပူဇော်ပွဲနှင့် ဆီမီး ၁၁၁,၁၁၁ ပူဇော်လှူဒါန်းပွဲကို ဩဂုတ် ၂ ရက် နံနက်ပိုင်းတွင် ကျင်းပခဲ့ကြောင်း သိရသည်။ အခမ်းအနားတွင် ဩဝါဒါစရိယ ဆရာတော်ကြီးများထံမှ ငါးပါးသီလ ခံယူဆောက်တည်ခြင်း၊ ဝါဆိုသင်္ကန်းနှင့် လှူဖွယ်ဝတ္ထုများ ဆက်ကပ်လှူဒါန်းခြင်းတို့ ဆောင်ရွက်ခဲ့ကြပြီး အဆိုပါ ဝိနယပိဋကကျမ်းမြတ် ပါဠိတော် အသံမစဲ ရွတ်ဖတ်ပူဇော်ပွဲကို ဩဂုတ် ၂ ရက်မှ ၁၀ ရက်နေ့အထိ ကျင်းပသွားမည် ဖြစ်သည်။