မန္တလေးမှ ပုပ္ပါးသို့ ဘုရားဖူးသွားသည့် ကုန်သည်မိသားစုဝင် ၄ ဦး ရွှေငွေကျပ်သိန်း ၅၀၀၀ နီးပါးနှင့်အတူ ၁၀ ရက်ကျော်ကြာ ပျောက်ဆုံးနေ

မန္တလေးတိုင်း၊ ချမ်းမြသာစည်မြို့နယ်မှ တရုတ်-မြန်မာ ကုန်စည်ပို့ဆောင်ရေး လုပ်ငန်းရှင် မိသားစုဝင် ၄ ဦးသည် ဇူလိုင် ၂၂ ရက်က ပုပ္ပါးသို့ ဘုရားဖူးခရီးစဉ် ထွက်ခွာသွားပြီးနောက် ကျပ်သိန်း ၅၀၀၀ နီးပါးတန်ဖိုးရှိ ရွှေငွေ၊ အဖိုးတန်ပစ္စည်းများနှင့်အတူ အဆက်အသွယ်ပြတ်တောက် ပျောက်ဆုံးနေကြောင်း သိရသည်။ ပုဂံ-ပုပ္ပါး လမ်းပိုင်းတွင် ပြန်ပေးဆွဲမှု၊ ဓားပြတိုက်မှုနှင့် လူပျောက်ဆုံးမှုများ မကြာခဏ ဖြစ်ပွားနေသဖြင့် ဒေသခံများက ခရီးသွားပြည်သူများအနေဖြင့် လုံခြုံရေး သတိပြုကြရန်နှင့် ညအချိန် ခရီးသွားလာခြင်း ရှောင်ရှားကြရန် သတိပေးထားကြသည်။