ရန်ကုန်မြို့တွင် ပဉ္စမအကြိမ်မြောက် ကျောက်မျက်နှင့် လက်ဝတ်ရတနာ အရောင်းပြပွဲ ကျင်းပမည်

ရန်ကုန်မြို့၊ ပြည်လမ်းရှိ Lotte Hotel ၌ ပဉ္စမအကြိမ်မြောက် ရန်ကုန် အပြည်ပြည်ဆိုင်ရာ ကျောက်မျက်ရတနာနှင့် လက်ဝတ်ရတနာ အရောင်းပြပွဲ (YGJF 2026) ကို လာမည့် ဩဂုတ် ၆ ရက်မှ ၉ ရက်အထိ လေးရက်ကြာ ကျင်းပသွားမည်ဖြစ်ပြီး ပြခန်းပေါင်း ၁၅၀ ကျော် ပါဝင်ပြသမည်ဖြစ်သည်။ အဆိုပါပြပွဲကို သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန၊ မြန်မာ့ကျောက်မျက်ရတနာ ရောင်းဝယ်ရေးလုပ်ငန်း (MGE) တို့၏ လမ်းညွှန်မှုနှင့် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန Myan Trade တို့၏ တရားဝင် ပံ့ပိုးကူညီမှုများဖြင့် ကျင်းပပြုလုပ်ခြင်းဖြစ်ကြောင်း သိရသည်။