တောင်ကိုရီးယား၌ ဝင်ငွေ တိုးတက်လာခြင်းနှင့် အိမ်ခြံမြေ ဈေးကွက် ဦးမော့လာခြင်းကြောင့် ဇွန်လအတွင်း အခွန်ဘဏ္ဍာငွေ ဒေါ်လာ ၃.၈၅ ဘီလီယံ ပိုမိုရရှိ

တောင်ကိုရီးယားနိုင်ငံတွင် ပြည်သူများ၏ ဝင်ငွေ တိုးတက်လာခြင်းနှင့် အိမ်ခြံမြေ အရောင်းအဝယ် ဈေးကွက် ပြန်လည်သက်ဝင် လှုပ်ရှားလာခြင်းတို့ကြောင့် ၂၀၂၆ ခုနှစ် ဇွန်လအတွင်း အစိုးရ၏ အခွန်ဘဏ္ဍာငွေ ရရှိမှုသည် လွန်ခဲ့သည့်နှစ် ကာလတူထက် ကိုရီးယားဝမ် ၅.၁ ထရီလီယံ (အမေရိကန်ဒေါ်လာ ၃.၈၅ ဘီလီယံခန့်) တိုးတက်ရရှိခဲ့သည်။စီးပွားရေးနှင့် ဘဏ္ဍာရေး ဝန်ကြီးဌာန၏ ထုတ်ပြန်ချက်အရ တစ်ဦးချင်း ဝင်ငွေခွန် ရရှိမှု ပိုမိုများပြားလာခြင်း၊ အိမ်ခြံမြေ အရောင်းအဝယ်များ ပိုမိုဖြစ်ထွန်းလာသဖြင့် အိမ်ခြံမြေ လွှဲပြောင်းခွန် ရရှိမှု တိုးတက်လာခြင်းနှင့် ကုမ္ပဏီများ၏ လုပ်ငန်းဆောင်ရွက်မှုများ ပြန်လည်ကောင်းမွန်လာခြင်းတို့က အခွန်ဘဏ္ဍာငွေ ပိုမိုကောက်ခံရရှိစေသည့် အဓိက တွန်းအားများ ဖြစ်ခဲ့ကြသည်။ အဆိုပါ ဇွန်လ အခွန်ရရှိမှု တိုးတက်လာခြင်းကြောင့် အစိုးရ၏ ဘဏ္ဍာရေး လိုငွေပြမှုကို လျှော့ချရာတွင်လည်း အထောက်အကူ ဖြစ်စေခဲ့သည်။