ဂျပန်အစိုးရ၏ ဝင်ရောက်စွက်ဖက်မှုဟု ယူဆရသည့် ရောင်းဝယ်မှုများကြောင့် မနေ့ညပိုင်းတွင် ဂျပန်ယန်းငွေတန်ဖိုးသည် အမေရိကန်ဒေါ်လာနှင့် နှိုင်းယှဉ်ပါက ၁ ဒေါ်လျှင် ၁၆၂.၈၀ ယန်းမှ ၁၅၇ ယန်းဝန်းကျင်သို့ တစ်နာရီအတွင်း ရုတ်တရက် မြင့်တက်သွားခဲ့သည်။ပြီးခဲ့သည့်အပတ်က ယန်းငွေတန်ဖိုးသည် နှစ်ပေါင်း ၄၀ အတွင်း အနိမ့်ဆုံးဖြစ်သော ၁၆၃ ယန်းအထိ ကျဆင်းသွားခဲ့ပြီးနောက် ယခုကဲ့သို့ စွက်ဖက်မှုများ ပေါ်ပေါက်လာခြင်းဖြစ်သည်။ အစိုးရဘက်မှ တရားဝင် အတည်မပြုသေးသော်လည်း အမေရိကန် အာဏာပိုင်များက ဘဏ္ဍာရေး အဖွဲ့အစည်းများထံ အတိုးနှုန်းများ စုံစမ်းစစ်ဆေးသည့် Rate Check ပြုလုပ်ခဲ့ကြောင်း သတင်းများ ထွက်ပေါ်လာသဖြင့် ဂျပန်နှင့် အမေရိကန်တို့ ပူးပေါင်းဆောင်ရွက်ခြင်းဖြစ်နိုင်ကြောင်း သုံးသပ်နေကြသည်။ သို့သော်လည်း လေ့လာသူများက ဘဏ္ဍာရေး မူဝါဒ ကွာခြားချက်များကြောင့် ယခုကဲ့သို့ စွက်ဖက်မှု၏ အကျိုးသက်ရောက်မှုမှာ ရေတိုမျှသာ ဖြစ်နိုင်ကြောင်း ခန့်မှန်းထားကြသည်။
