ဧရာဝတီတိုင်းဒေသကြီး၊ငဝန်မြစ်ရေကာတာ ကျိုးပေါက်မှုကြောင့် လေးမျက်နှာမြို့နယ်၌ လူဦးရေ ၆,၇၄၇ ဦးကို ဘေးလွတ်ရာ ရွှေ့ပြောင်းပေးထားရ

ဧရာဝတီတိုင်း၊ လေးမျက်နှာမြို့နယ်၊ ဂျမ်းကုန်းကျေးရွာအနီးရှိ ငဝန်ရေကာတာ တာကျိုးပေါက်မှုကြောင့် မြို့ပေါ် ရပ်ကွက် ၅ ခုနှင့် ကျေးရွာများအတွင်း ရေများ ဝင်ရောက်လျက်ရှိသဖြင့် ရေဘေးသင့် လူဦးရေ ၆,၇၄၇ ဦးကို ယာယီ ကယ်ဆယ်ရေးစခန်းအဖြစ် ဖွင့်လှစ်ထားသည့် ဣစ္ဆာသယကျောင်းတိုက်သို့ အရေးပေါ် ရွှေ့ပြောင်း စောင့်ရှောက်ပေးထားရသည်။ အဆိုပါ ရေဘေးသင့် ပြည်သူများထံသို့ ဧရာဝတီတိုင်း ဝန်ကြီးချုပ် ဦးအေးကျော်က ဇူလိုင် ၃၁ ရက်တွင် သွားရောက်ကြည့်ရှု အားပေးကာ ဆန်ရိက္ခာ ထောက်ပံ့ပေးအပ်ခဲ့ကြောင်း သိရသည်။