BTS အဖွဲ့၏ သပိတ်မှောက်မှုအပေါ် Grammys အကဲဖြတ်အဖွဲ့ ခုခံကာကွယ်ပြောကြား

အမေရိကန် တေးဂီတအကယ်ဒမီ (Recording Academy) သည် BTS အဖွဲ့၏ ၆၉ ကြိမ်မြောက် Grammys ဆုပေးပွဲကို သပိတ်မှောက်သည့် ဆုံးဖြတ်ချက်အပေါ် တုံ့ပြန်လိုက်ပြီး၊ မကြာသေးမီက သတ်မှတ်ခဲ့သည့် "Best Asian Pop Music Performance" ဆုအမျိုးအစားသည် အာရှတေးဂီတ ပညာရှင်များကို ပိုမိုအသိအမှတ်ပြုရန်ဖြစ်ပြီး ခွဲခြားဆက်ဆံရန် မဟုတ်ကြောင်း ခုခံကာကွယ် ပြောကြားခဲ့သည်။BTS အဖွဲ့ဝင် ၇ ဦးလုံးသည် "Arirang" အယ်လ်ဘမ်ကို Grammys ဆုပေးပွဲသို့ တင်သွင်းမည်မဟုတ်ကြောင်းနှင့် ဂီတကို ဒေသ သို့မဟုတ် ဘာသာစကားဖြင့် ပိုင်းခြားမထားဘဲ ဂီတအတိုင်းသာ အသိအမှတ်ပြုခံလိုကြောင်း လူမှုကွန်ရက်၌ ပူးတွဲထုတ်ပြန်ခဲ့ကြသည်။ ယင်းအပေါ် Recording Academy ၏ ဥက္ကဋ္ဌ Harvey Mason Jr. က BTS ၏ ဆုံးဖြတ်ချက်အတွက် စိတ်မကောင်းဖြစ်ရသော်လည်း လေးစားကြောင်း၊ ယခုဆုအမျိုးအစားသစ်သည် အာရှပေါ့ပ်ဂီတကို သီးသန့်မီးမောင်းထိုးပြရန် ဖြစ်ပြီး ပင်မဆုကြီးများ (General Field) အတွက် ယှဉ်ပြိုင်ခွင့်ကို တားမြစ်ထားခြင်းမရှိကြောင်း ရှင်းလင်းပြောကြားခဲ့သည်။