ထိုင်းဘုရင် မဟာဝဇိရာလောင်ကွန်းနှင့် မိဖုရားကြီး စုသီတာတို့ မြဘုရားအား မိုးရာသီသင်္ကန်း ကပ်လှူပူဇော်

ထိုင်းဘုရင် မဟာဝဇိရာလောင်ကွန်းနှင့် မိဖုရားကြီး စုသီတာတို့သည် ဇူလိုင် ၃၀ ရက် မွန်းလွဲပိုင်းက ဘုရင့်နန်းတော်အတွင်းရှိ မြဘုရား ရုပ်ပွားတော်အား နွေရာသီသင်္ကန်းမှ မိုးရာသီသင်္ကန်းသို့ ပြောင်းလဲကပ်လှူပူဇော်သည့် ရိုးရာအခမ်းအနားသို့ တက်ရောက်ခဲ့ကြသည်။ အဆိုပါ အခမ်းအနားသို့ တော်ဝင်ဆွေတော်မျိုးတော်များနှင့် အဆင့်မြင့်အရာရှိကြီးများလည်း တက်ရောက်ခဲ့ကြသည်။အခမ်းအနားတွင် ဘုရင်ကြီးသည် နွေရာသီသရဖူကို ဖယ်ရှားခြင်း၊ ရုပ်ပွားတော်အား သန့်စင်သည့် ရေစင်ဖြင့် ဆေးကြောခြင်းနှင့် မိုးရာသီသရဖူသစ်ကို ဆောင်းပေးခြင်းစသည့် ဘာသာရေးထုံးတမ်းများကို ကိုယ်တိုင် ဆောင်ရွက်ခဲ့သည်။ ထို့နောက် တက်ရောက်လာကြသည့် ဆွေတော်မျိုးတော်များနှင့် အရာရှိကြီးများအား ဘုရားဆေးတော်ရေများ ပက်ဖျန်းပေးခဲ့သည်။အခမ်းအနားအပြီးတွင် ဘုရင်နှင့် မိဖုရားကြီးတို့သည် ကွယ်လွန်သွားပြီဖြစ်သည့် မင်းသမီး Bajrakitiyabha Narendiradebyavati အတွက် ရည်စူး၍ ရက် ၅၀ ပြည့် ကုသိုလ်ပြု ဆုတောင်းပွဲကို နန်းတော်အတွင်းရှိ Phiman Rattaya ပလ္လင်ဆောင်၌ ဆက်လက် ကျင်းပခဲ့ကြကြောင်း သိရသည်။