ကမ္ဘောဒီးယားက ၂၀၂၆ ခုနှစ် စီးပွားရေး တိုးတက်မှုနှုန်း ၄.၂ ရာခိုင်နှုန်းရှိမည်ဟု အတည်ပြု ခန့်မှန်း

အာဆီယံ မက်ခရိုစီးပွားရေး သုတေသနရုံး (AMRO) က ၂၀၂၆ ခုနှစ်အတွက် ကမ္ဘောဒီးယားနိုင်ငံ၏ စီးပွားရေး တိုးတက်မှုနှုန်း ခန့်မှန်းချက်ကို ၄.၂ ရာခိုင်နှုန်းအဖြစ် ဆက်လက် အတည်ပြု သတ်မှတ်လိုက်ပြီး၊ ယခုခန့်မှန်းချက်သည် ကမ္ဘောဒီးယား စီးပွားရေးနှင့် ဘဏ္ဍာရေးဝန်ကြီးဌာန၏ ခန့်မှန်းချက်နှင့် ထပ်တူညီလျက်ရှိသည်။သို့သော်လည်း စွမ်းအင်စရိတ်များနှင့် ကုန်ထုတ်လုပ်မှု အခြေခံစရိတ်များ မြင့်တက်လာခြင်းကြောင့် ငွေကြေးဖောင်းပွမှု အလားအလာ ခန့်မှန်းချက်ကိုမူ မြှင့်တင် သတ်မှတ်ခဲ့သည်။ ကမ္ဘောဒီးယား၏ အထည်ချုပ် ကုန်ထုတ်လုပ်မှု၊ ခရီးသွားလုပ်ငန်းနှင့် စိုက်ပျိုးရေးကဏ္ဍတို့ ပြန်လည် ဦးမော့လာခြင်းက စီးပွားရေး တိုးတက်မှုကို အဓိက ထိန်းမတ်ပေးထားသော်လည်း ကမ္ဘာ့စီးပွားရေး မရေရာမှုများနှင့် ရာသီဥတု ဘေးအန္တရာယ်များက စိန်ခေါ်မှုအဖြစ် ဆက်လက် တည်ရှိနေသည်။