တောင်ကိုရီးယား ဂျဲချွန်းမြို့ရှိ နာမည်ကျော် တောတောင်လမ်းလျှောက်စခန်းက ကမ္ဘာလှည့်ခရီးသွားများကို ဆွဲဆောင်လျက်ရှိ

တောင်ကိုရီးယားနိုင်ငံ ချုန်းချောင်းဘုဒိုပြည်နယ်၊ ဂျဲချွန်း (Jecheon) မြို့ရှိ "ခယောင်းဖုန်းဟို ဂျာဒရက်ဂေးလ်" (Cheongpungho Jadrakgil) တောတောင် လမ်းလျှောက်စခန်းသည် သဘာဝအတိုင်း ထိန်းသိမ်းထားသည့် လမ်းကြောင်း ၇ ခုပါဝင်ပြီး နှစ်စဉ် ခရီးသွား သန်း ၁၀ ကျော်ကို ဆွဲဆောင်လျက်ရှိသည်။အဆိုပါ ၅၈ ကီလိုမီတာရှည်လျားသော လမ်းကြောင်းကို ယဉ်ကျေးမှု လမ်းညွှန် လီဆွန်းယော (Lee Sun-yeo) က မြို့နယ်အစိုးရနှင့် ပူးပေါင်း၍ ၂၀၁၀ ပြည့်နှစ်မှစတင်ကာ သဘာဝဝန်းကျင်ကို ပျက်စီးမှုမရှိစေဘဲ တောလမ်းကျဉ်းများကို ဆက်သွယ်ဖောက်လုပ်ခဲ့ခြင်းဖြစ်သည်။ ဂျဲချွန်းမြို့နယ် အာဏာပိုင်များအနေဖြင့် ခရီးသွားလုပ်ငန်း ပြန်လည်ဦးမော့လာစေရန်အတွက် ခရီးစရိတ် အထူးလျှော့စျေး အစီအစဉ်များ၊ တိုင်းရင်းဆေးဖက်ဝင် အစားအသောက် ခရီးစဉ်များနှင့် လမ်းလျှောက်စခန်းများကို ဆက်သွယ်ပေးသည့် စီမံကိန်းများကို ဆက်လက် ဆောင်ရွက်လျက်ရှိသည်။