ဂျပန်၌ အနည်းဆုံး လုပ်ခလစာ ၄.၉ ရာခိုင်နှုန်း တိုးမြှင့်ရန် အကြံပြု

ဂျပန် လုပ်သားဝန်ကြီးဌာန၏ အကြံပေးအဖွဲ့သည် ယခုဘဏ္ဍာရေးနှစ်အတွက် တစ်နိုင်ငံလုံး၏ ပျမ်းမျှ အနည်းဆုံး နာရီအလိုက် လုပ်ခလစာကို ၄.၉ ရာခိုင်နှုန်း တိုးမြှင့်ကာ ၁,၁၇၆ ယန်း ($၇.၁၈) အထိ သတ်မှတ်ရန် ယမန်နေ့က အကြံပြုလိုက်သည်။ ယခုတိုးမြှင့်မှုသည် တစ်နာရီလျှင် ၅၅ ယန်း တိုးတက်လာခြင်းဖြစ်ပြီး စံချိန်တင် ဒုတိယအများဆုံး တိုးမြှင့်မှု ပမာဏဖြစ်သည်။အဆိုပါ လုပ်ခလစာ တိုးမြှင့်မှုသည် အောက်တိုဘာလမှ စတင်ကာ အလုပ်သမား သန်း ၅၀ ကျော်အတွက် အကျိုးသက်ရောက်မည် ဖြစ်သည်။ လုပ်ခလစာများ စက်ဝိုင်းသဖွယ် ဆက်တိုက် တိုးတက်လာခြင်းက ပြည်တွင်း ဝယ်လိုအားကို ပိုမို အထောက်အကူပြုစေမည်ဖြစ်၍ ဂျပန်ဗဟိုဘဏ် (BOJ) ၏ အတိုးနှုန်း ထပ်မံမြှင့်တင်ရေး မူဝါဒလမ်းကြောင်းကို အထောက်အပံ့ ဖြစ်စေသည်။ဝန်ကြီးချုပ် စာနာအဲ တာကာအိချိ (Sanae Takaichi) အစိုးရအနေဖြင့် ၂၀၃၀ ပြည့်လွန်နှစ်များ အစောပိုင်းတွင် တစ်နိုင်ငံလုံး ပျမ်းမျှ အနည်းဆုံး လုပ်ခလစာကို ယန်း ၁,၅၀၀ အထိ ရောက်ရှိရန် ရည်မှန်းထားသည်။