၂၀၂၆ အာဆီယံဟွန်ဒိုင်းဖလား ပြိုင်ပွဲစဉ်များကို ဇူလိုင် ၂၉ ရက်နှင့် ၃၀ ရက်တို့တွင် (၂) ရက် ခေတ္တရပ်နားထားမည်ဖြစ်ပြီး ဇူလိုင် ၃၁ ရက်နေ့မှစ၍ ပြန်လည်ကျင်းပသွားမည်ဖြစ်သည်။လက်ရှိ အုပ်စု (A) တွင် စင်ကာပူအသင်းက ၂ ပွဲနိုင်၊ ရမှတ် ၆ မှတ်ဖြင့် ထိပ်ဆုံးမှ ဦးဆောင်နေပြီး ဗီယက်နမ်နှင့် အင်ဒိုနီးရှားတို့က ရမှတ် ၃ မှတ်စီဖြင့် ဒုတိယနှင့် တတိယနေရာတွင် ရှိနေကာ ကမ္ဘောဒီးယားနှင့် တီမောတို့မှာ ရမှတ် မရရှိသေးပေ။ အုပ်စု (B) တွင် မလေးရှားအသင်းက ၂ ပွဲနိုင်၊ ရမှတ် ၆ မှတ်ဖြင့် ထိပ်ဆုံးမှ ဦးဆောင်နေကာ ထိုင်းနှင့် မြန်မာတို့က ရမှတ် ၃ မှတ်စီဖြင့် အစဉ်လိုက် ရပ်တည်နေပြီး ဖိလစ်ပိုင်နှင့် လာအိုတို့မှာ ရမှတ် မရရှိသေးပေ။
ရှေ့ဆက်ယှဉ်ပြိုင်ရမည့် ပွဲစဉ်များအနေဖြင့် ဇူလိုင် ၃၁ ရက်တွင် အုပ်စု (A) မှ တီမော - အင်ဒိုနီးရှား၊ ဗီယက်နမ် - စင်ကာပူတို့ ယှဉ်ပြိုင်ကြမည်ဖြစ်ပြီး ဩဂုတ် ၁ ရက်တွင် အုပ်စု (B) မှ လာအို - ဖိလစ်ပိုင်၊ ထိုင်း - မလေးရှားတို့ ယှဉ်ပြိုင်ကြမည်ဖြစ်သည်။ မြန်မာအသင်းသည် ဩဂုတ် ၄ ရက် ရောက်မှ အုပ်စုတတိယပွဲအဖြစ် အိမ်ကွင်း၌ လာအိုအသင်းနှင့် ယှဉ်ပြိုင်ကစားရမည်ဖြစ်သည်။
