ရှမ်းပြည်နယ်၊ကျွန်းရွှေဝါလမ်း တိုက်တန်းမှ ပင်စင်စား သက်ကြီးရွယ်အိုများကို ၁၅ ရက်အတွင်း ပြောင်းရွှေ့ခိုင်း၍ နေထိုင်သူများ အခက်တွေ့နေ

ရှမ်းပြည်နယ်၊ တောင်ကြီးမြို့၊ ပြည်နယ်အားကစားကွင်း အရှေ့ဘက်ရှိ ကျွန်းရွှေဝါလမ်း တိုက်တန်းများတွင် စာချုပ်သက်တမ်း ၅ နှစ်ကျန်ရှိသေးသည့် နိုင်ငံ့ဝန်ထမ်း အငြိမ်းစား သက်ကြီးရွယ်အိုများအပါအဝင် နေထိုင်သူများကို ၁၅ ရက်အတွင်း အပြီးပြောင်းရွှေ့ခိုင်းသဖြင့် အခက်အခဲများ ဖြစ်ပေါ်နေပြီး၊ နေထိုင်သူများဘက်က စာချုပ်သက်တမ်းပြည့်မည့် ၂၀၃၁ ခုနှစ်အထိ ဆက်လက်နေထိုင်ခွင့်ရရန် ပြန်လည်စဉ်းစားပေးရေး အယူခံအသနားခံစာ တင်ပြထားကြောင်း သိရသည်။