ပဲခူးမြို့အတွင်း ပဲခူးမြစ်ရေများ ဆက်လက်ဝင်ရောက်နေ

ပဲခူးတိုင်းဒေသကြီး၊ ပဲခူးမြို့အတွင်း လမ်းများပေါ်သို့ ပဲခူးမြစ်ရေများ ဆက်လက်ဝင်ရောက်လျက်ရှိပြီး ဇူလိုင် ၂၉ ရက် မွန်းလွဲပိုင်း တိုင်းတာချက်အရ ပဲခူးမြစ်ရေသည် စိုးရိမ်ရေမှတ် ၈၈၀ စင်တီမီတာအောက် ၈၅၃ စင်တီမီတာတွင် ရှိနေကြောင်း သိရသည်။ လက်ရှိတွင် ဇိုင်းတောင်ရပ်ကွက်ရှိ မြေနိမ့်ပိုင်းလမ်းများနှင့် မြို့သစ်ရပ်ကွက်အတွင်း ရေအမြင့် ၄ ပေခွဲခန့်အထိ ရေဝင်ရောက်မှုများ ဖြစ်ပေါ်နေသည်။ သက်ဆိုင်ရာ တာဝန်ရှိအဖွဲ့အစည်းများက ရေကြီးမှုအခြေအနေကို အနီးကပ်စောင့်ကြည့်ကာ လိုအပ်သည့် ရေဘေးကာကွယ်ရေးနှင့် ကူညီကယ်ဆယ်ရေးလုပ်ငန်းများကို ဆောင်ရွက်လျက်ရှိကြောင်း သိရသည်။