မိုးသည်းထန်စွာ ရွာသွန်းမှုကြောင့် ရန်ကုန်မြို့ရှိ ရပ်ကွက်အချို့တွင် ရေကြီးရေလျှံမှုများ ဖြစ်ပေါ်

ကပ္ပလီပင်လယ်ပြင်နှင့် ဘင်္ဂလားပင်လယ်အော်တို့တွင် မုတ်သုံလေ အားကောင်းနေခြင်းကြောင့် မိုးသည်းထန်စွာ ရွာသွန်းခဲ့ရာ ရန်ကုန်မြို့ မရမ်းကုန်းမြို့နယ် သမိုင်းလမ်းဆုံးဝန်းကျင်၊ တောင်ဥက္ကလာပမြို့နယ်နှင့် အနိမ့်ပိုင်းဒေသအချို့တွင် ရေဝင်ရောက်မှုများ ဖြစ်ပေါ်လျက်ရှိသည်။ မိုးလေဝသနှင့် ဇလဗေဒညွှန်ကြားမှုဦးစီးဌာန၏ ထုတ်ပြန်ချက်အရ ရန်ကုန်တိုင်းဒေသကြီး အပါအဝင် တိုင်းနှင့် ပြည်နယ် ၈ ခုတွင် နေရာကွက်၍ မိုးကြီးနိုင်ပြီး မိုးရွာရန် ရာနှုန်းပြည့်ရှိကြောင်း သိရသည်။