ယူအေအီးနိုင်ငံ ရာစ်အာခိုင်မား (Ras Al Khaimah - RAK) ဒေသရှိ တောင်တန်းဒေသစိုက်ပျိုးရေးခြံတွင် ဒေသခံတောင်သူများက ယူအေအီး၏ ရာသီဥတုနှင့် သင့်တော်သည့် စပျစ်မျိုးစိတ်များကို အောင်မြင်စွာ စိုက်ပျိုးနိုင်ခဲ့ပြီး စပျစ်ပင်ပေါင်း ၁၀,၀၀၀ ကျော်အထိ ထုတ်လုပ်စိုက်ပျိုးနိုင်ခဲ့သည်။
အဆိုပါ စိုက်ပျိုးရေးအောင်မြင်မှုသည် သဲကန္တာရနှင့် တောင်တန်းထူထပ်သော ဒေသတွင်း ရာသီဥတုအောက်၌ စိုက်ပျိုးရေး နည်းပညာနှင့် နည်းလမ်းသစ်များကို အသုံးပြုကာ အသီးအနှံများ တိုးမြှင့်စိုက်ပျိုးနိုင်ရေး၊ ဒေသတွင်း အစားအစာ လုံခြုံစိတ်ချရမှု (Food Security) တိုးတက်စေရေးနှင့် စိုက်ပျိုးရေးကဏ္ဍ အဆင့်မြှင့်တင်ရေးတို့အတွက် သိသာထင်ရှားသော တိုးတက်မှုတစ်ရပ် ဖြစ်သည်။
