ဒူဘိုင်းလမ်းများနှင့် သယ်ယူပို့ဆောင်ရေး အာဏာပိုင်အဖွဲ့ (RTA) သည် လျှပ်စစ်စက်ဘီး (E-bike) များဖြင့် ကုန်ပစ္စည်းနှင့် အစားအသောက် ပို့ဆောင်ပေးသည့် ဝန်ဆောင်မှုကို ဒူဘိုင်းမြို့အတွင်းရှိ နယ်မြေ ၇ ခုသို့ ထပ်မံတိုးချဲ့လိုက်သည်။
ထပ်မံတိုးချဲ့လိုက်သည့် နယ်မြေ ၇ ခုမှာ Al Twar 1၊ Al Twar 2၊ Al Qusais 1၊ Sheikh Mohammed Bin Rashid Boulevard၊ Dubai Media City၊ Jumeirah Lakes Towers (JLT) နှင့် Dubai Marina တို့ ဖြစ်ကြပြီး မူလ စမ်းသပ်စတင်ခဲ့သော Al Karama၊ Al Hamriya၊ Umm Hurair နှင့် Al Mankhool စသည့် နယ်မြေ ၄ ခုနှင့်ပေါင်းပါက စုစုပေါင်း ၁၁ ခုအထိ ရှိလာပြီဖြစ်သည်။ပြီးခဲ့သည့် ဖေဖော်ဝါရီလက စတင်ခဲ့သည့် စမ်းသပ်ကာလအတွင်း သုံးစွဲသူများ၏ ကျေနပ်မှုနှုန်း ၉၉ ရာခိုင်နှုန်းနှင့် ပို့ဆောင်သူများ၏ ကျေနပ်မှုနှုန်း ၉၀ ရာခိုင်နှုန်းကျော် ရရှိခဲ့သည်။ ယခုကဲ့သို့ စက်ဘီးသီးသန့် လမ်းကြောင်းများနှင့် အခြေခံအဆောက်အအုံ ပြည့်စုံသည့် နယ်မြေများသို့ ဝန်ဆောင်မှု တိုးချဲ့ခြင်းသည် ဒူဘိုင်း၏ ၂၀၃၀ သယ်ယူပို့ဆောင်ရေးနှင့် ရေရှည်တည်တံ့ခိုင်မြဲသော နည်းဗျူဟာများအတိုင်း ကာဘွန်ထုတ်လွှတ်မှု လျှော့ချရန်နှင့် ကုန်ကျစရိတ် သက်သာစေရန် ရည်ရွယ်ခြင်းဖြစ်သည်။
