ASEAN HYUNDAI CUP 2026 ပြိုင်ပွဲတွင် ယနေ့ပွဲစဉ်အဖြစ် မြန်မာနှင့် ဖိလစ်ပိုင် ယှဉ်ပြိုင်မည်

ဖိလစ်ပိုင်နိုင်ငံ New Clark City Athletics Stadium ၌ အိမ်ရှင်အဖြစ် ကျင်းပသည့် ASEAN HYUNDAI CUP 2026 ပြိုင်ပွဲတွင် ယနေ့ (ဇူလိုင် ၂၈ ရက်) ညနေပိုင်း၌ မြန်မာအသင်းနှင့် ဖိလစ်ပိုင်အသင်းတို့ ယှဉ်ပြိုင်ကစားမည် ဖြစ်သည်။ ယမန်နေ့က ပြုလုပ်သည့် ပွဲကြို သတင်းစာရှင်းလင်းပွဲတွင် မြန်မာအသင်း နည်းပြချုပ် အန်ဒါဆင်က အဝေးကွင်းပွဲစဉ် ဖြစ်၍ ခက်ခဲမည်ကို သိရှိထားပြီး ခရီးဝေး လာခဲ့ရသော်လည်း အကောင်းဆုံး ကြိုးစားယှဉ်ပြိုင်သွားမည်ဟု ပြောကြားခဲ့ကြောင်း သိရသည်။