နေပြည်တော် ပျဉ်းမနားမြို့အနီး အင်အားအနည်းငယ်ရှိသော မြေငလျင်တစ်ခု လှုပ်ခတ်

နေပြည်တော်မြေငလျင်စခန်း၏ အရှေ့ဘက် ၄ မိုင်ခန့်၊ ပျဉ်းမနားမြို့၏ မြောက်ဘက် ၃ မိုင်ခန့်အကွာကို ဗဟိုပြု၍ ပမာဏ ၃.၀ အဆင့်ရှိ အင်အားအနည်းငယ်ရှိသော မြေငလျင်တစ်ခု ဇူလိုင် ၂၈ ရက် နေ့လယ် ၁၁ နာရီ ၁၄ မိနစ်ခန့်က လှုပ်ခတ်ခဲ့ကြောင်း မိုးလေဝသနှင့် ဇလဗေဒညွှန်ကြားမှုဦးစီးဌာနက ထုတ်ပြန်ခဲ့သည်။ အဆိုပါ ငလျင်သည် အနက် ၁၁ ကီလိုမီတာကို ဗဟိုပြု လှုပ်ခတ်ခဲ့ခြင်းဖြစ်ပြီး လက်ရှိအချိန်အထိ လူနှင့် အဆောက်အအုံ ထိခိုက်ပျက်စီးမှု သတင်းများ မရှိသေးကြောင်း သိရသည်။