တောင်ကိုရီးယား၌ ယခုပထမနှစ်ဝက်အတွင်း အမေရိကန်ဒေါ်လာ ၄.၉၂ ဘီလီယံတန်ဖိုးရှိ တရားမဝင် နိုင်ငံခြားငွေလဲလှယ်မှုများကို ဖော်ထုတ်တွေ့ရှိ

တောင်ကိုရီးယားနိုင်ငံတွင် ငွေကြေးဈေးကွက် မတည်ငြိမ်မှုကို ထိန်းချုပ်ရန် ဆောင်ရွက်လျက်ရှိရာ ၂၀၂၆ ခုနှစ် ပထမနှစ်ဝက် (ဇန်နဝါရီမှ ဇွန်လအထိ) အတွင်း ကိုရီးယားဝမ် ၇.၂ တရီလီယံ (အမေရိကန်ဒေါ်လာ ၄.၉၂ ဘီလီယံ) တန်ဖိုးရှိ တရားမဝင် နိုင်ငံခြားငွေလဲလှယ်မှုနှင့် လွှဲပြောင်းမှု ဖြစ်စဉ်ပေါင်း ၇၉၂ ခုကို ဖော်ထုတ်အရေးယူနိုင်ခဲ့ကြောင်း ကိုရီးယားအကောက်ခွန်ဌာန (KCS) က ဇူလိုင် ၂၇ ရက်တွင် သတင်းထုတ်ပြန်ခဲ့သည်။အဆိုပါ ဖြစ်စဉ်များတွင် နိုင်ငံခြားငွေများကို ပြည်ပသို့ တရားမဝင် လွှဲပြောင်းခြင်း၊ ပြည်ပတွင် ပိုင်ဆိုင်မှုများ လျှို့ဝှက်ပုန်းလျှိုးထားခြင်း၊ သွင်းကုန်စရိတ်များကို အလွန်အကျွံ ကြိုတင်ပေးချေပြခြင်းနှင့် ကောက်ခံရရှိသည့် ပို့ကုန်ဝင်ငွေများကို နယ်စပ်ကျော်လွန်၍ လျှို့ဝှက်သိမ်းဆည်းထားခြင်းတို့ ပါဝင်သည်။ အကောက်ခွန်ဌာနအနေဖြင့် ပြည်တွင်းငွေကြေးဈေးကွက်ကို ထိခိုက်စေသည့် တရားမဝင် နိုင်ငံခြားငွေ စီးထွက်မှုများကို တားဆီးရန် သီးသန့်စုံစမ်းစစ်ဆေးရေးအဖွဲ့များ ဖွဲ့စည်း၍ ဆက်လက်စစ်ဆေးဆောင်ရွက်သွားမည်ဖြစ်သည်။