မန္တလေး၌ လူသစ်တန်း စက်ဘီးစီးပြိုင်ပွဲ ကျင်းပမည်ဖြစ်

မန္တလေးတိုင်းဒေသကြီး အစိုးရအဖွဲ့၊ သစ်တောဦးစီးဌာနနှင့် အားကစားနှင့်ကာယပညာဦးစီးဌာနတို့၏ ဦးဆောင်မှုဖြင့် Mountain Bike (MTB) လူသစ်တန်း စက်ဘီးစီးပြိုင်ပွဲကို လာမည့် ဩဂုတ်လ ၁၅ ရက်တွင် ကျင်းပသွားမည်ဖြစ်သည်။အဆိုပါပြိုင်ပွဲကို မန္တလေးမြို့၊ ရတနာပုံတိရစ္ဆာန်ဥယျာဉ် ပင်မဂိတ် (Main Gate) မှ နံနက် ၅ နာရီခွဲတွင် စတင်ထွက်ခွာ၍ ပြင်ဦးလွင် အမျိုးသားကန်တော်ကြီးဥယျာဉ်အထိ ယှဉ်ပြိုင်ရမည်ဖြစ်သည်။ အသက် (၁၈) နှစ်နှင့်အထက် အမျိုးသား၊ အမျိုးသမီး မည်သူမဆို ပါဝင်ယှဉ်ပြိုင်နိုင်ပြီး ပြိုင်ပွဲဝင်များအနေဖြင့် ဆိုင်ကယ်/စက်ဘီးစီး ဦးထုပ် (Helmet) မဖြစ်မနေ ဝတ်ဆင်ရမည်ဖြစ်ကာ အဆင့်အလိုက် အထူးဆုများ ချီးမြှင့်ပေးသွားမည်ဖြစ်ကြောင်း သိရသည်။