ဂျပန်၌ တစ်ကြိမ်တည်း ပရီမီယံကြေး ပေးသွင်းရသည့် တစ်သက်တာ အသက်အာမခံ အမျိုးအစားများ ရေပန်းစား လူကြိုက်များလာ

ဂျပန်နိုင်ငံတွင် ဘဏ်တိုးနှုန်းများ မြင့်တက်လာခြင်းနှင့်အတူ တစ်ကြိမ်တည်း ပရီမီယံကြေး အပြီးပေးသွင်းရသည့် တစ်သက်တာ အသက်အာမခံ (Single-Premium Whole Life Insurance) အမျိုးအစားများမှာ စားသုံးသူများအကြား ဝယ်ယူအားကောင်းပြီး ရေပန်းစား လူကြိုက်များလာလျက်ရှိသည်။ယခုကဲ့သို့ ဘဏ်တိုးနှုန်းများ မြင့်တက်လာမှုကြောင့် အာမခံကုမ္ပဏီများအနေဖြင့် ပိုမိုကောင်းမွန်သည့် အတိုးနှုန်း (Yields) များကို စားသုံးသူများထံ ပြန်လည်ကမ်းလှမ်းပေးနိုင်လာသဖြင့် ရင်းနှီးမြှုပ်နှံသူများနှင့် စုဆောင်းသူများအကြား ဆွဲဆောင်မှုရှိသော အသက်အာမခံ ထုတ်ကုန်တစ်ခု ဖြစ်လာခဲ့ခြင်းဖြစ်သည်။