ဗီယက်နမ် ဒါလတ်မြို့၏ အေးစက်သော ညဥ့်ယံများတွင် ဝင်ငွေပိုရမိုရှိရန် သက်ရှိရုပ်တုအဖြစ် ကျောင်းသားအများ စု လုပ်ကိုင်လာကြ

ဗီယက်နမ်နိုင်ငံ ဒါလတ်မြို့၏ ညဈေးတန်းနှင့် လမ်းဆုံများတွင် တက္ကသိုလ်ကျောင်းသားအများစုသည် မိသားစုစားဝတ်နေရေးနှင့် ကျောင်းစရိတ်အတွက် အလှပြ သက်ရှိရုပ်တု (Living Statues) များအဖြစ် ငွေကြေးဝင်ငွေတိုးရရှိရန် လုပ်ကိုင်လျက်ရှိကြသည်။ အပူချိန် ၁၉ ဒီဂရီဆဲလ်စီးယပ်စ်ခန့်အထိ အေးစက်သော ရာသီဥတုတွင် ခန္ဓာကိုယ်တစ်ခုလုံး ငွေရောင် သို့မဟုတ် ရွှေရောင်ဆေးများ သုတ်လိမ်းကာ ညနေ ၅ နာရီမှ ည ၁၁ နာရီအထိ ၆ နာရီနီးပါး ငြိမ်သက်စွာ ရပ်တန့်ဖျော်ဖြေကြရခြင်းဖြစ်သည်။အဆိုပါ အလုပ်သည် အေးစက်သည့် လေဒဏ်ကြောင့် ခြေလက်များ ထုံကျင်ခြင်းနှင့် အသားအရည်ယားယံခြင်းတို့ ရှိသော်လည်း တစ်ညလျှင် ဗီယက်နမ်ဒုံး ၂၅၀,၀၀၀ ခန့် (အမေရိကန်ဒေါ်လာ ၉.၅ ဒေါ်လာ) ပုံမှန် ဝင်ငွေရရှိသည့်အပြင် ခရီးသွားများထံမှ အပိုဆုကြေးငွေများလည်း ရရှိကြသည်။ လွန်ခဲ့သည့် ၃ နှစ်ခန့်ကတည်းက ဒါလတ်ညဈေး၏ ထူးခြားသည့် အနုပညာပြကွက်တစ်ခု ဖြစ်လာခဲ့ပြီး ကျောင်းသားများအတွက် အချိန်ပိုင်းလုပ်ကိုင်ရန် သင့်တော်သည့် အလုပ်တစ်ခုလည်း ဖြစ်လာခဲ့သည်။