ဂျပန်၌ စံချိန်တင် အလွန်အမင်း ပူပြင်းသည့် ရာသီဥတု ၅ ရက်ဆက်တိုက် ဖြစ်ပေါ်

ဂျပန်နိုင်ငံ၏ အချို့ဒေသများတွင် အပူချိန်မှာ အမဲစက်စံချိန်ဖြစ်သည့် ၄၀ ဒီဂရီဆဲလ်စီးယပ်စ်နှင့် အထက်သို့ အသီးသီး မြင့်တက်ခဲ့ပြီး ၅ ရက်ဆက်တိုက် အလွန်အမင်း ပူပြင်းသည့် အခြေအနေဖြစ်ပေါ်ကာ ၂၀၁၁ ခုနှစ် စံချိန်စတင်ကောက်ယူခဲ့ပြီးနောက်ပိုင်း အရှည်ကြာဆုံး အပူလှိုင်းဖြတ်သန်းမှုအဖြစ် စံချိန်တင်ခဲ့သည်။ဂိဖုပြည်နယ်ရှိ မီနိုနှင့် တာဂျိမိမြို့တို့တွင် ၄၀.၈ ဒီဂရီဆဲလ်စီးယပ်စ်နှင့် ၄၀.၇ ဒီဂရီဆဲလ်စီးယပ်စ်အထိ ရှိခဲ့ကာ မီအဲပြည်နယ်ရှိ ခူဝါနာမြို့တွင် ၄၀.၆ ဒီဂရီဆဲလ်စီးယပ်စ်အထိ မြင့်တက်ခဲ့သည်။ ပြင်းထန်သော အပူဒဏ်ကြောင့် လူထောင်ပေါင်းများစွာ အပူရှော့ခ်ရိုက်ကာ ဆေးရုံသို့ ပို့ဆောင်ခဲ့ရပြီး သက်ဆိုင်ရာ အာဏာပိုင်များက ပြည်သူများအား လေအေးပေးစက်ရှိသော အခန်းတွင်း၌သာ နေထိုင်ကြရန်နှင့် ရေများများသောက်သုံးကြရန် သတိပေးနှိုးဆော်ထားသည်။