မလေးရှား မာလကာပြည်နယ်တွင် ရေဘေးသင့်ပြည်သူများအတွက် ယာယီကယ်ဆယ်ရေးစခန်းများ ဖွင့်လှစ်

မလေးရှားနိုင်ငံ မာလကာ (Melaka) ပြည်နယ် Melaka Tengah နှင့် Jasin ခရိုင်များ၌ မိုးသည်းထန်းစွာ ရွာသွန်းမှုကြောင့် ရေကြီးရေလျှံမှုများ ဖြစ်ပွားခဲ့ရာ ဇူလိုင် ၂၆ ရက် နံနက်ပိုင်း စာရင်းများအရ မိသားစု ၃၇ စုမှ ရေဘေးသင့်ပြည်သူ ၁၂၄ ဦးအထိ တိုးတက်လာခဲ့ပြီး ယာယီကယ်ဆယ်ရေးစခန်း (PPS) ၃ ခုဖွင့်လှစ်ကာ ကူညီစောင့်ရှောက်ပေးလျက်ရှိသည်။မိုးဆက်တိုက်ရွာသွန်းမှုကြောင့် Melaka Tengah ခရိုင်ရှိ နေရာ ၁၇ ခုနှင့် Jasin ခရိုင်ရှိ နေရာ ၃ ခုတို့တွင် ရေကြီးရေလျှံခဲ့ခြင်းဖြစ်ပြီး၊ ဘေးလွတ်ရာသို့ ရွှေ့ပြောင်းပေးထားသူများတွင် လူကြီး ၈၈ ဦး၊ ကလေး ၃၄ ဦးနှင့် မွေးကင်းစကလေး ၂ ဦးတို့ ပါဝင်ကြောင်း လူမှုဝန်ထမ်းဌာန၏ သတင်းအချက်အလက်များအရ သိရသည်။