လာအို-ဗီယက်နမ် စီးပွားရေး ပူးပေါင်းဆောင်ရွက်မှု အမေရိကန်ဒေါ်လာ ၁ ဒသမ ၃ ဘီလီယံကျော်အထိ မြင့်တက်လာ

လာအိုနှင့် ဗီယက်နမ်နိုင်ငံတို့အကြား နှစ်နိုင်ငံ စီးပွားရေးဆိုင်ရာ ပူးပေါင်းဆောင်ရွက်မှုများသည် ကုန်သွယ်ရေး၊ စွမ်းအင်ကဏ္ဍနှင့် ခရီးသွားလုပ်ငန်းများ၏ အဓိက မောင်းနှင်မှုကြောင့် နှစ်နိုင်ငံ ကုန်သွယ်မှုတန်ဖိုးမှာ အမေရိကန်ဒေါ်လာ ၁ ဒသမ ၃ ဘီလီယံကျော်အထိ ရောက်ရှိ ခိုင်မာလာခဲ့ကြောင်း သိရသည်။နှစ်နိုင်ငံအကြား စွမ်းအင်ဆိုင်ရာ ပူးပေါင်းဆောင်ရွက်မှုများတွင် လာအိုနိုင်ငံမှ လျှပ်စစ်ဓာတ်အားနှင့် ကျောက်မီးသွေးများကို ဗီယက်နမ်နိုင်ငံသို့ တင်ပို့ရောင်းချသည့် ကုန်သွယ်မှုများ ပါဝင်ပြီး နယ်စပ်ကုန်သွယ်ရေး သဘောတူညီချက်များ၊ ခရီးသွားလာရေး ဖြေလျှော့မှုများနှင့် အခြေခံအဆောက်အအုံ ဆက်သွယ်ရေး စီမံကိန်းများကြောင့် နှစ်နိုင်ငံ စီးပွားရေး ဆက်ဆံရေးမှာ ပိုမို အဟုန်ကောင်းမွန်လာခြင်းဖြစ်သည်။ ထို့ပြင် နယ်စပ်စီးပွားရေးဇုန်များနှင့် အကောက်ခွန် ကင်းလွတ်ခွင့်ဆိုင်ရာ ပူးပေါင်းဆောင်ရွက်မှုများကလည်း နှစ်နိုင်ငံ ကုန်သွယ်မှု ပမာဏ ပိုမိုမြင့်တက်လာစေရန် အရေးပါသော အခန်းကဏ္ဍမှ ပါဝင်လျက်ရှိသည်။