ရှမ်းပြည်နယ်အရှေ့ပိုင်း၊တာချီလိတ်တွင် မယ်ဆိုင်ချောင်းရေတိုး၍ တာလော့ရပ်ကွက်အတွင်း ရေဝင်ရောက်

ရှမ်းပြည်နယ် (အရှေ့ပိုင်း)၊ တာချီလိတ်မြို့တွင် မယ်ဆိုင်ချောင်းရေ တိုးလာသဖြင့် ဇူလိုင် ၂၅ ရက်မှစ၍ တာလော့ရပ်ကွက်နှင့် ပုန်းထွန်ဘက်တို့၌ ရေဝင်ရောက်မှုများ ဖြစ်ပေါ်လျက်ရှိသည်။ စိုးရိမ်ရေမှတ် (၃၉၀ စင်တီမီတာ) သို့ မရောက်သေးသော်လည်း တာလော့ဈေးအတွင်း ရေဝင်လာသလို မိုင်းဖုန်းဘက်ရှိ ပိန်းညောင်ရွာလမ်းတွင်လည်း လမ်းလျှောက်သွားလာရသည့်အထိ ရေတက်လာကြောင်း သိရသည်။ ထို့ပြင် ယင်းနေ့၌ပင် လားရှိုးမြို့ ရပ်ကွက် (၇) နှင့် (၁၂) တို့၌လည်း ရေကြီးရေလျှံမှု ဖြစ်ပေါ်ခဲ့သည်။ တာချီလိတ်မြို့တွင် မြို့တွင်း ရေစီးရေလာ ကောင်းမွန်ရေး မေလအတွင်းက ညှိနှိုင်းဆောင်ရွက်ခဲ့သော်လည်း ရေကြီးမှုဒဏ်ကို ကြုံတွေ့နေရဆဲဖြစ်ပြီး ယမန်နှစ်ကလည်း ရေကြီးမှု ၂၇ ကြိမ်အထိ ဖြစ်ပွားကာ လူ ၂ ဦး သေဆုံးခဲ့ကြောင်း သိရသည်။