ဂျပန် Vibe အပြည့်နဲ့ ဓာတ်ပုံရိုက်လို့ကောင်းသည့် ထိုင်းနိုင်ငံChon Buri ရှိ Bangsaen Toshin

ထိုင်းနိုင်ငံ၊ ချွန်ဘူရီ (Chon Buri) မြို့ Bangsaen ကမ်းခြေအနီးရှိ Bangsaen Toshin သည် ဂျပန်မြို့ငယ်လေး၏ လမ်းပုံစံ၊ ရထားဘူတာရုံနှင့် လမ်းကြားလေးများအတိုင်း ပုံတူဖန်တီးထားသည့်နေရာဖြစ်သည်။ ဆိုင်ဝင်းတစ်ခုလုံးကို ဂျပန်ရိုးရာနှင့် ခေတ်မီဆိုင်းဘုတ်များ၊ စက်ဘီးရပ်နားစခန်း၊ ဓာတ်တိုင်များနှင့် အလှဆင်ထားပြီး ဂျပန်ရိုးရာ အစားအသောက်ဆိုင်များလည်း စုံလင်စွာ ရှိသည်။ နေရာတိုင်းကို အသေးစိတ်ပြင်ဆင်ထားသဖြင့် ဓာတ်ပုံရိုက်ရန်နှင့် မိသားစု၊ သူငယ်ချင်းများနှင့် အပန်းဖြေရန် သင့်တော်ပြီး နေ့စဉ် နံနက် ၁၀ နာရီမှ ည ၁၀ နာရီအထိ ဖွင့်လှစ်ထားကြောင်း သိရသည်။