မွန်ပြည်နယ်၊ ပေါင်မြို့နယ်၊ အလှပ်ကျေးရွာအုပ်စု၊ ဆယ်အိမ်စုရပ် ပင်လယ်ကမ်းခြေ၌ ဇူလိုင် ၂၆ ရက်တွင် ကျရောက်မည့် ၂၀၂၆ ခုနှစ်၊ အပြည်ပြည်ဆိုင်ရာ ဒီရေတောဂေဟစနစ် ထိန်းသိမ်းရေးနေ့ အထိမ်းအမှတ် ပြည်နယ်အဆင့် သစ်ပင်စိုက်ပျိုးပွဲကို ကျင်းပမည် ဖြစ်သည်။ အဆိုပါ သစ်ပင်စိုက်ပျိုးပွဲတွင် သမဲ့ ၉၁၀ ပင်နှင့် ဗြူရွှေဝါ ၃၀၀ ပင်၊ စုစုပေါင်း ပျိုးပင် ၁,၂၁၀ ပင်ကို နံနက် ၈ နာရီ၌ စိုက်ပျိုးသွားမည်ဖြစ်သည်။ ပေါင်မြို့နယ် သစ်တောဦးစီးဌာနအနေဖြင့် သစ်တောပြုန်းတီးမှု လျှော့ချရေးအတွက် သစ်ပင်စိုက်ပျိုးပွဲများအပြင် ကျေးရွာများနှင့် ကျောင်းများတွင် အသိပညာပေး ဟောပြောပွဲများ၊ လက်ကမ်းစာစောင် ဖြန့်ဝေခြင်းနှင့် Talk Show များကိုလည်း ကဏ္ဍစုံ ပူးပေါင်းဆောင်ရွက်လျက် ရှိကြောင်း သိရသည်။
