မြန်မာ့ပထမဆုံး စိတ်ကူးယဉ် ရှေးခေတ်ဒရာမာဇာတ်လမ်းတွဲ "ချစ်သော မဟေသီ" ကန်တော့ပွဲပေးပွဲ ကျင်းပ

မြန်မာ့ပထမဆုံး စိတ်ကူးယဉ် ရှေးခေတ် ဒရာမာဇာတ်လမ်းတွဲဖြစ်သည့် "ချစ်သော မဟေသီ" ဇာတ်လမ်းတွဲ၏ ကန်တော့ပွဲပေးပွဲကို ၂၀၂၆ ခုနှစ် ဇူလိုင်လ ၂၅ ရက် နံနက်ပိုင်းက ရန်ကုန်မြို့ရှိ မဟာဝိဇယဘုရား၌ ပြုလုပ်ခဲ့သည်။အဆိုပါ ဇာတ်လမ်းတွဲသည် CANAL+ နှင့် အောင်ဇမ္ဗူတို့၏ ပထမဆုံး ပူးပေါင်းဆောင်ရွက်မှုဖြစ်ပြီး Season 1 နှင့် Season 2 ခွဲ၍ ရိုက်ကူးသွားမည်ဖြစ်သည်။ Season 1 ကို ဒါရိုက်တာ နိုရာကိုက ရိုက်ကူးမည်ဖြစ်ကာ သရုပ်ဆောင်များအဖြစ် အောင်ဇမ္ဗူ၊ စစ်မင်းထက်၊ မင်းမြတ်စိုးစံ၊ မေမီကိုကို၊ JK Sophia၊ ဟန်နလာ၊ အင်ကြင်းဖူး၊ အရိုင်း၊ ဇော်ဝင်းနိုင်(မန်း)၊ ဂွမ်းပုံကြီး နှင့် ကလေးသရုပ်ဆောင် မိုဂျီတို့ ပါဝင်သရုပ်ဆောင်ကြမည်ဖြစ်ကြောင်း သိရသည်။