မော်လမြိုင်-ရန်ကုန် DEMU ရထားပေါ်တွင် စည်းကမ်းမလိုက်နာသည့် အားကစားအဖွဲ့ကို အရေးယူရန် လူမှုကွန်ရက်၌ တောင်းဆို

ဇူလိုင် ၂၃ ရက်က ပြေးဆွဲခဲ့သည့် အမှတ်(၈၄) အစုန် မော်လမြိုင်-ရန်ကုန် DEMU အမြန်ရထားပေါ်တွင် ဆရာမကြီး ဒေါ်မြသန်း ဦးစီးသော မော်လမြိုင် ကမ်းနားလမ်း အားကစားအဖွဲ့သည် ထိုင်ခုံလက်တန်းပေါ် ထိုင်ခြင်း၊ ခုံပေါ် မတ်တပ်ရပ် ကခုန်ခြင်း၊ အတက်အဆင်း လမ်းကြောင်း ပိတ်ဆို့ အော်ဟစ်ခြင်းများ ပြုလုပ်ခဲ့သဖြင့် တာဝန်ကျ ဝန်ထမ်းများ၏ တားမြစ်ချက်ကို မလိုက်နာဘဲ အခြားခရီးသည်များကို စိတ်အနှောင့်အယှက် ပေးခဲ့သည်။ ထို့ကြောင့် အဆိုပါ အဖွဲ့အား ဥပဒေအရ အရေးယူပေးရန် လူမှုကွန်ရက်ပေါ်တွင် တောင်းဆိုမှုများ ရှိနေသည်။