လန်ဒန်မြို့တွင် ကျင်းပသည့် ASEAN-London Committee အစည်းအဝေးကို မြန်မာသံရုံးယာယီတာဝန်ခံ တက်ရောက်

ဗြိတိန်နိုင်ငံ လန်ဒန်မြို့ရှိ ထိုင်းသံရုံး၌ ဇူလိုင် ၂၂ ရက် ညနေပိုင်းက ကျင်းပခဲ့သည့် ASEAN-London Committee (ALC) အစည်းအဝေး (၆/၂၀၂၆) သို့ မြန်မာသံရုံး (လန်ဒန်) ၏ သံရုံးယာယီတာဝန်ခံ/သံအမတ် ဦးဝင်းဇေယျာထွန်း တက်ရောက်ခဲ့ကြောင်း သိရသည်။ အဆိုပါ အစည်းအဝေးတွင် အာဆီယံ-လန်ဒန်ကော်မတီ၏ အလှည့်ကျဥက္ကဋ္ဌ ကမ္ဘောဒီးယား သံအမတ်ကြီးက ၂၀၂၆ ခုနှစ် ပထမခြောက်လအတွင်း ဆောင်ရွက်ခဲ့သည့် လုပ်ငန်းများနှင့် ဆက်လက်ဆောင်ရွက်မည့် အစီအစဉ်များကို ရှင်းလင်းတင်ပြခဲ့ပြီး ထိုင်းသံအမတ်ကြီးထံ အလှည့်ကျဥက္ကဋ္ဌ တာဝန်လွှဲပြောင်းပေးခဲ့သည်။ ထို့အပြင် မြန်မာသံရုံး ယာယီတာဝန်ခံကလည်း နိုင်ငံတော်၏ ခရီးစဉ်များ၊ ငြိမ်းချမ်းရေး လုပ်ငန်းစဉ်များနှင့် အာဆီယံ ပူးပေါင်းဆောင်ရွက်မှု အခြေအနေများ အပါအဝင် မြန်မာနိုင်ငံ၏ လတ်တလော ဖြစ်ပေါ်တိုးတက်မှုများကို ရှင်းလင်းပြောကြားခဲ့ကြောင်း သိရသည်။