တရုတ်နိုင်ငံ ရွှေလီမြို့၌ မြန်မာ့ကျောက်မျက်ရတနာပြပွဲ ပထမဆုံးကျင်းပ၊ ယွမ်ငွေဖြင့် အိတ်ဖွင့်တင်ဒါခေါ်ယူရောင်းချ

တရုတ်နိုင်ငံ၊ ယူနန်ပြည်နယ် ရွှေလီမြို့၊ ကျယ်ဂေါင်နယ်စပ်ကုန်သွယ်ရေးဇုန်၌ မြန်မာနိုင်ငံပြင်ပတွင် ပထမဆုံးအကြိမ် ကျင်းပသည့် မြန်မာ့ကျောက်မျက်ရတနာပြပွဲကို ဇူလိုင် ၂၂ ရက်က စတင်ကျင်းပခဲ့ကြောင်း သိရသည်။ အဆိုပါပြပွဲကို ယူနန်ပြည်နယ် ပြည်သူ့အစိုးရနှင့် မြန်မာနိုင်ငံ သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာနတို့ ပူးပေါင်းစီစဉ်ခြင်းဖြစ်ပြီး ပြပွဲအတွင်း ကျောက်စိမ်းနှင့် ကျောက်မျက်ရတနာများကို အိတ်ဖွင့်တင်ဒါစနစ်ဖြင့် ရောင်းချကာ တရုတ်ယွမ်ငွေဖြင့် ငွေပေးချေသည့်စနစ်ကို ပထမဆုံးအကြိမ် အသုံးပြုဆောင်ရွက်လျက်ရှိကြောင်း သိရသည်။