မန္တလေးတိုင်း၊မတ္တရာနှင့် ပတ်ဝန်းကျင်ကျေးရွာအချို့ လျှပ်စစ်ဓာတ်အား ပြန်လည်ရရှိ

မန္တလေးတိုင်း၊ မတ္တရာမြို့နယ်နှင့် ပတ်ဝန်းကျင် ကျေးရွာများတွင် ပျက်စီးခဲ့သည့် ဓာတ်အားခွဲရုံများနှင့် လိုင်းများကို ပြန်လည်ပြင်ဆင်ပြီးနောက် ဇူလိုင် ၂၃ ရက်မှစ၍ လျှပ်စစ်ဓာတ်အား ပြန်လည်လွှတ်ပေးခဲ့ကြောင်း မန္တလေးလျှပ်စစ်ဓာတ်အားပေးရေးကော်ပိုရေးရှင်းထံမှ သိရသည်။ လက်ရှိတွင် မတ္တရာမြို့နယ် တောင်ပြုံးဓာတ်အားခွဲရုံနှင့် မတ္တရာဓာတ်အားခွဲရုံတို့မှတစ်ဆင့် ထရန်စဖော်မာ ၁၂၆ လုံးဖြင့် ဓာတ်အားဖြန့်ဖြူးပေးလျက်ရှိပြီး အိမ်ထောင်စု သို့မဟုတ် ပြည်သူ ၁၂,၀၀၀ ကျော် လျှပ်စစ်မီး ပြန်လည်ရရှိနေပြီဖြစ်ကြောင်း သိရသည်။