မြန်မာ့ကောက်ညှင်း ပို့ကုန်သမားများ၏ ရောနှောရောင်းချမှုကြောင့် တရုတ်နိုင်ငံ၏ အမည်ပျက်စာရင်း အသွင်းခံလိုက်ရ

တရုတ်နိုင်ငံသို့ တင်ပို့သည့် မြန်မာကောက်ညှင်းဖြူ ဆန်ကွဲများတွင် ကုန်သည်များက အခြားဆန်ချော/ဆန်ကွဲများကို ၅၀ မှ ၆၀ ရာခိုင်နှုန်းအထိ ရောနှောတင်ပို့ခဲ့မှုကြောင့် တရုတ်နိုင်ငံဘက်က မြန်မာကောက်ညှင်းအား အမည်ပျက်စာရင်း (Blacklist) သွင်းလိုက်ရာ ပြည်ပသို့ တင်ပို့ရန် အလွန်အခက်ကြုံနေကြောင်း တောင်သူများနှင့် ဆန်စပါးအသင်းချုပ်နှင့် နီးစပ်သူများထံမှ သိရသည်။ပြီးခဲ့သည့် မိုးစပါးရာသီမတိုင်မီက ကောက်ညှင်းဈေးကွက် ကောင်းမွန်ခဲ့သဖြင့် တောင်သူများ ပိုမိုတိုးချဲ့ စိုက်ပျိုးခဲ့ကြသော်လည်း ပို့ကုန်သမားများ၏ မသမာသည့် လုပ်ရပ်များကြောင့် တရုတ်နိုင်ငံက မြန်မာ့ကောက်ညှင်းကို မဝယ်ယူတော့ဘဲ ထိုင်းနိုင်ငံထံမှ ပြောင်းလဲဝယ်ယူခဲ့သည်။အဆိုပါဖြစ်စဉ်ကြောင့် လက်ရှိတွင် မြန်မာနိုင်ငံ၏ ကောက်ညှင်းဆန်နှင့် ကောက်ညှင်းဆန်ကွဲ ဈေးကွက်မှာ လုံးဝပျက်စီးသွားပြီး စိုက်ပျိုးထုတ်လုပ်ခဲ့သည့် တောင်သူများမှာ ရောင်းချရခြင်း မရှိတော့ဘဲ နစ်နာဆုံးရှုံးမှုများနှင့် ရင်ဆိုင်နေကြရသည်။