မန္တလေးမြို့တွင် ဇူလိုင် ၂၃ ရက် ညနေပိုင်းက လေပြင်းတိုက်ခတ်ပြီး မိုးသည်းထန်စွာ ခဏတာ ရွာသွန်းခဲ့မှုကြောင့် သစ်ပင်များနှင့် ဓာတ်တိုင်အချို့ လဲကျ ပျက်စီးမှုများ ဖြစ်ပွားခဲ့သည်။ဖြစ်စဉ်တွင် ချမ်းမြသာစည်မြို့နယ်၊ ကန်တော်ကြီးမီးပွိုင့်အနီး ကုက္ကိုပင် လဲကျခဲ့သဖြင့် မီးသတ်တပ်ဖွဲ့ဝင်များက သွားရောက် ရှင်းလင်းခဲ့ရသည်။ ထို့ပြင် အမရပူရမြို့နယ် ကျော်အောင်စံထားကျောင်းရှေ့တွင်လည်း သစ်ပင်တစ်ပင်သည် ဓာတ်ကြိုးပေါ်သို့ လဲကျရာမှ ဓာတ်တိုင်ပါ လဲကျသွားခဲ့သဖြင့် မြန်မာနိုင်ငံ လူမှုကယ်ဆယ်ရေးအဖွဲ့၊ စံပြမေတ္တာအသင်းနှင့် မီးသတ်တပ်ဖွဲ့တို့ ပူးပေါင်း၍ ရှင်းလင်းရေး လုပ်ဆောင်ခဲ့ကြသည်။လေပြင်းတိုက်ခတ်သည့် အချိန်တိုတောင်းခဲ့သော်လည်း အချို့မြို့နယ်များတွင် လျှပ်စစ်ဓာတ်အား ခေတ္တ ပြတ်တောက်ခြင်းနှင့် လမ်းပေါ်သို့ သစ်ကိုင်းများ ကျိုးကျခြင်းတို့ ရှိခဲ့ကြောင်း သိရသည်။
