၂၀၂၆-၂၀၂၇ မြန်မာနေရှင်နယ်လိဂ် ရာသီကြို ပြင်ဆင်မှုအဖြစ် ထိုင်းနိုင်ငံ CK Stadium ၌ ယှဉ်ပြိုင်ခဲ့သည့် ရန်ကုန်စီးတီးအသင်း၏ ပထမဆုံး ခြေစမ်းပွဲတွင် ထိုင်းလိဂ်-၃ ကလပ် Pluak Daeng United အသင်းကို ၂ ဂိုး ၁ ဂိုးဖြင့် အနိုင်ရရှိခဲ့ကြောင်း သိရသည်။ မိနစ် ၃၀ စီ သုံးပိုင်းခွဲ ကစားခဲ့သည့် အဆိုပါပွဲ၏ ပထမပိုင်းနှင့် ဒုတိယပိုင်းတို့တွင် ဂိုးမရှိ သရေကျနေခဲ့သော်လည်း တတိယပိုင်း၌ လူငယ်ကစားသမား နေလင်းသန့်က အဖွင့်ဂိုးနှင့် အသက် ၁၆ နှစ်အရွယ် ထက်အာကာဝင်းက ဒုတိယ အနိုင်ဂိုးတို့ကို သွင်းယူပေးခဲ့ခြင်း ဖြစ်သည်။
