မြန်မာပြည်တွင်း လမ်းခရီးကြန့်ကြာမှုကြောင့် နာနတ်သီးများ ပုပ်သိုးပြီး ဈေးကောင်းမရ

သယ်ယူပို့ဆောင်ရေး အခက်အခဲနှင့် လမ်းခရီး ကြန့်ကြာမှုများကြောင့် ကချင်၊ ရှမ်းနှင့် စစ်ကိုင်းတိုင်း အထက်ပိုင်းတို့မှ မန္တလေးဈေးကွက်သို့ တင်ပို့သည့် နာနတ်သီးများ ပုပ်သိုးပျက်စီးမှု မြင့်တက်ကာ ဈေးကောင်းမရသဖြင့် ကုန်သည်များနှင့် တောင်သူများ အခက်အခဲ ကြုံတွေ့နေရကြောင်း သိရသည်။ နယ်မြေအခြေအနေများကြောင့် ယခင်က ရက်ပိုင်းအတွင်း ရောက်ရှိသည့် နာနတ်သီးများမှာ လက်ရှိတွင် ၃ ရက်မှ ၅ ရက် (အချို့ ၇ ရက်အထိ) ကြာမြင့်နေပြီး စုပြုံကျပ်တည်းစွာ ထုပ်ပိုး သယ်ဆောင်ရခြင်းကြောင့် ပျက်စီးမှု ပိုမိုများပြားလာခြင်း ဖြစ်သည်။ ယခင်နှစ် အလားတူကာလက နာနတ်သီးတစ်လုံးလျှင် ကျပ် ၅,၀၀၀ ဝန်းကျင်အထိ ရရှိခဲ့သော်လည်း ယခုနှစ်တွင် အရည်အသွေးကောင်းပင် ကျပ် ၁,၅၀၀ မှ ၂,၀၀၀ ဝန်းကျင်သာ ရရှိတော့ပြီး ပုပ်သိုးပျက်စီးသီးများမှာ ကျပ် ၃၀၀ မှ ၅၀၀ ဝန်းကျင်ဖြင့်သာ ရောင်းချနေရကြောင်း သိရသည်။