ထိုင်းနိုင်ငံ၊ဘန်ကောက် ဘားမီးလောင်မှုတွင် သေဆုံးသူများအတွက် ထိုင်းအစိုးရက တစ်ဦးလျှင် ဘတ် ၃ သိန်းစီ နစ်နာကြေးပေးအပ်

ဘန်ကောက်မြို့ Lat Phrao ရှိ ဘားတစ်ခု မီးလောင်မှုကြောင့် သေဆုံးခဲ့ရသူ ၃၁ ဦး၏ မိသားစုဝင်များအား ထိုင်းအစိုးရက လူသားချင်းစာနာထောက်ထားမှု အခြေခံဖြင့် ကနဦး နစ်နာကြေးအဖြစ် တစ်ဦးလျှင် ဘတ် ၃ သိန်းစီ (စုစုပေါင်း ဘတ် ၉ ဒသမ ၃ သန်း) ကို ဇူလိုင် ၂၀ ရက်တွင် ပေးအပ်ခဲ့ကြောင်း သိရသည်။ ပြည်သူ့ဘဏ္ဍာမှ ပေးအပ်ခြင်းအပေါ် ဝေဖန်မှုများ ရှိသော်လည်း နာရေးစရိတ်နှင့် အခက်အခဲကြုံနေရသည့် မိသားစုဝင်များအတွက် လူ့အခွင့်အရေးအရ မဖြစ်မနေ ကူညီပေးရခြင်းဖြစ်ကြောင်း တာဝန်ရှိသူများက ရှင်းလင်းပြောကြားထားပြီး နောင်တွင် ယခုကဲ့သို့ ကူညီပံ့ပိုးမှုများ ပိုမိုထိရောက်စေရန် တရားမျှတမှုစနစ်အတွင်း ရန်ပုံငွေအဖွဲ့တစ်ခု တည်ထောင်ရန်ပါ စဉ်းစားလျက်ရှိကြောင်း သိရသည်။