တရုတ်နိုင်ငံ၌ ၂၀၂၆ ခုနှစ်အတွင်း စုစုပေါင်း ရုပ်ရှင်ရုံဝင်ငွေ ယွမ် ၂၀ ဘီလီယံကျော်အထိ ရရှိကာ စံချိန်တင်လျက်ရှိ

အွန်လိုင်းပလက်ဖောင်းများ၏ အချက်အလက်များအရ တရုတ်နိုင်ငံ၌ ၂၀၂၆ ခုနှစ်အတွက် (ကြိုတင်လက်မှတ်ရောင်းချမှုများအပါအဝင်) စုစုပေါင်း ရုပ်ရှင်ရုံဝင်ငွေသည် လက်ရှိအချိန်အထိ ယွမ် ၂၀ ဘီလီယံကျော် ရရှိထားပြီး ဖြစ်ကြောင်း သိရသည်။ ဇွန်လ ၁ ရက်နေ့တွင် နွေရာသီရုပ်ရှင်ရာသီကို စတင်ခဲ့ပြီးနောက်ပိုင်း တော်လှန်ရေးသမိုင်း၊ ခေတ်ပြိုင်ဒရာမာ၊ စိတ်လှုပ်ရှားဖွယ်ရာရာဇဝတ်မှု၊ သည်းထိတ်ရင်ဖိုအက်ရှင်၊ ဟာသနှင့် အန်နီမေးရှင်းဇာတ်ကားများအပါအဝင် အမျိုးအစားစုံလင်လှသည့် တရုတ်ပြည်တွင်းနှင့် နိုင်ငံခြားရုပ်ရှင်ဇာတ်ကားပေါင်း ၁၁၀ ကျော်ကို ဆက်တိုက်ရုံတင်ပြသခဲ့ရာ ရုပ်ရှင်ဝါသနာအိုးများ၏ အကြိုက်အမျိုးမျိုးကို ဖြည့်ဆည်းပေးနိုင်ခဲ့ပြီး ယခုကဲ့သို့ ရုပ်ရှင်ရုံဝင်ငွေ အများအပြား ရရှိလာခြင်း ဖြစ်သည်။