ကချင်ပြည်နယ်၊ဖားကန့်မြို့တွင် မိုးသည်းထန်စွာ ရွာသွန်းမှုကြောင့် မြစ်ရေမြင့်တက်ကာ စံချိန်တင် ရေကြီးရေလျှံမှုများ ဖြစ်ပေါ်

ကချင်ပြည်နယ်၊ ဖားကန့်ဒေသတွင် မိုးသည်းထန်စွာ ဆက်တိုက်ရွာသွန်းမှုကြောင့် ဥရုချောင်းရေ မြင့်တက်လာပြီး ရေကြီးရေလျှံမှု အခြေအနေမှာ ယခင် ၂၀၂၄ ခုနှစ်က တင်ခဲ့သည့် စံချိန်ထက်ပင် ပိုမိုဆိုးရွားသည့် အခြေအနေသို့ ရောက်ရှိနေကြောင်း ဒေသခံများ၏ ပြောကြားချက်အရ သိရသည်။ အဆိုပါ ရေကြီးမှုကြောင့် မြို့ပေါ်ရပ်ကွက်များနှင့် မြေနိမ့်ပိုင်း ဒေသအများအပြားသို့ ရေများ စံချိန်တင် ဝင်ရောက်လာပြီး ဒေသခံ ပြည်သူများ ရေဘေးလွတ်ရာသို့ ရွှေ့ပြောင်းနေကြရကြောင်း သိရသည်။