ထိုင်းနိုင်ငံသားများကို အမည်ခံအသုံးပြု၍ မြေကွက်များ တရားမဝင် ပိုင်ဆိုင်ထားသည့် ကွန်ရက်ကို ဖော်ထုတ်

ထိုင်းနိုင်ငံ၊ ချင်းမိုင်ခရိုင်အတွင်း ထိုင်းနိုင်ငံသားများကို အမည်ခံ (Nominees) အဖြစ် အသုံးပြုကာ ဘတ် ၆၃၃ သန်းတန်ဖိုးရှိ မြေကွက်များကို တရားမဝင် ပိုင်ဆိုင်ထားသည့် သံသယဖြစ်ဖွယ် ကုမ္ပဏီကွန်ရက်များကို ရဲတပ်ဖွဲ့က အင်အား ၂၅၀ ကျော်ဖြင့် နေရာ ၁၈ ခုအား ဝင်ရောက်ရှာဖွေ ဖော်ထုတ်ခဲ့ကြောင်း သိရသည်။ အဆိုပါဖြစ်စဉ်နှင့် ပတ်သက်၍ မြန်မာနိုင်ငံသား ၇ ဦးအပါအဝင် နိုင်ငံခြားသားများနှင့် ထိုင်းနိုင်ငံသား စုစုပေါင်း ၂၂ ဦးကို ဖမ်းဝရမ်းထုတ်ထားရာ လက်ရှိတွင် မြန်မာနိုင်ငံသား ၃ ဦးနှင့် အိန္ဒိယနိုင်ငံသား ၂ ဦး၊ စုစုပေါင်း ၅ ဦးကို ဖမ်းဆီးရမိထားပြီး ဖြစ်သည်။ ခရီးသွားလုပ်ငန်း အားကောင်းသည့် ခရိုင်များ၌ နိုင်ငံခြားသားများအတွက် ထိုင်းနိုင်ငံသားများကို အမည်ခံ ကိုယ်စားလှယ်အဖြစ် အသုံးပြုကာ စီးပွားရေးလုပ်ဆောင်မှုကို "ကိုဖငန်းမော်ဒယ်" စစ်ဆင်ရေးဖြင့် ဆက်လက် နှိမ်နင်းသွားမည်ဖြစ်ကြောင်း သိရသည်။