မကွေးတိုင်း၊ပွင့်ဖြူမြို့နယ်တွင် စားအုန်းဆီများအား သတ်မှတ်ရည်ညွှန်းဈေးထက် မြှင့်တင်ရောင်းချခြင်း မရှိစေရေး ကွင်းဆင်းစစ်ဆေး

မကွေးတိုင်း၊ ပွင့်ဖြူမြို့နယ်အတွင်းရှိ စည်ပင်သာယာဈေးများနှင့် မြို့ပေါ်ရပ်ကွက်များမှ စားအုန်းဆီအရောင်းဆိုင်များ၌ စားအုန်းဆီများကို သတ်မှတ်ရည်ညွှန်းဈေးအတိုင်း ရောင်းချမှု ရှိ/မရှိနှင့် ဈေးနှုန်းမြှင့်တင်ရောင်းချခြင်း ရှိ/မရှိတို့ကို တာဝန်ရှိသူများက ဇူလိုင်လ ၁၉ ရက်နေ့တွင် ကွင်းဆင်းစစ်ဆေးခဲ့ကြကြောင်း သိရသည်။ ထိုသို့ စစ်ဆေးပြီးနောက် စားအုန်းဆီအရောင်းဆိုင် လုပ်ငန်းရှင်များနှင့် တွေ့ဆုံကာ စားအုန်းဆီများ ရောင်းချရာတွင် သတ်မှတ်ထားသည့် ရည်ညွှန်းဈေးနှုန်းများအတိုင်း စနစ်တကျ ရောင်းချကြရန်နှင့် ဈေးနှုန်း အဓမ္မမြှင့်တင်ရောင်းချခြင်း မပြုကြရန်အတွက် အသိပညာပေး ရှင်းလင်းပြောကြားခဲ့ကြောင်း သိရသည်။