၂၀၂၆ ကမ္ဘာ့ဖလားဗိုလ်လုပွဲတွင် စပိန်အသင်းက အာဂျင်တီးနားကို ၁ ဂိုး - ဂိုးမရှိဖြင့် အနိုင်ယူကာ ဒုတိယအကြိမ်မြောက် ချန်ပီယံဆုကို ဆွတ်ခူးသွားပြီးနောက် စပိန်မြို့တော် မက်ဒရစ်မြို့လမ်းမများပေါ်တွင် စပိန်ပရိသတ်များ အလုံးအရင်းဖြင့် ထွက်လာကာ အလံများဝှေ့ယမ်းခြင်း၊ ကားဟွန်းတီးခြင်းများနှင့် အုန်းအုန်းကျွက်ကျွက် အောင်ပွဲခံခဲ့ကြသည်။ အနီရောင်ဂျာစီဝတ်ဆင်ထားသည့် ပရိသတ်အုပ်ကြီးသည် အောင်ပွဲခံစုဝေးလေ့ရှိရာ ဆီဘီလက်စ်ရင်ပြင်သို့ ပြေးဝင်လာကြပြီး "ချန်ပီယံများ" ဟု ကြွေးကြော်ကာ မီးရှူးမီးပန်းများ ပစ်ဖောက်ခဲ့ကြသည်။ပရိသတ်ထောင်ပေါင်းများစွာသည် နေ့ခင်းပိုင်းကတည်းက ၃၅ ဒီဂရီဆဲလ်စီးယပ်စ်အထိရှိသော အပူဒဏ်ကိုအံတုကာ ပြင်ပပရိသတ်ဇုန်များ၌ ပွဲကြည့်ရန် စောင့်ဆိုင်းခဲ့ကြခြင်းဖြစ်သည်။ မက်ဒရစ်မြို့တော်အပြင် ဘာစီလိုနာမြို့မှသည် ဆဗီးလ်မြို့အထိ စပိန်တစ်နိုင်ငံလုံးရှိ ရင်ပြင်များ၌လည်း ပရိသတ်များ အပြည့်အနှံဖြင့် နိုင်ငံတော်အလံများကို ဝှေ့ယမ်းကာ ခုန်ပေါက်အောင်ပွဲခံခဲ့ကြကြောင်း သိရသည်။
