ထိုင်းဘုန်းကြီးကျောင်း ဝါဆိုပွဲတော် နတ်သမီးရုပ်တုများတွင် လီဆာ (Lisa) ၏ မျက်နှာကိုပါ ထည့်သွင်းထုလုပ်ထား

ထိုင်းနိုင်ငံ၊ နခွန်ရက်ချာစီမာခရိုင်၊ ချော့ချိုင်မြို့နယ်ရှိ Wat Bing ဘုန်းကြီးကျောင်း ဝါဆိုပွဲတော်အတွက် ကမ္ဘာကျော် K-Pop စတား လီဆာ (Lisa) ၏ ရုပ်သွင်ကို စိတ်ကူးပုံဖော်၍ ရုပ်တုများ ထုလုပ်နေကြသည်။ဒေသခံ ပန်းပုပညာရှင်များက နတ်သား၊ နတ်သမီးနှင့် ဟိမဝန္တာ ကိန္နရီရုပ်တုများတွင် လီဆာ၏ မျက်နှာပေါက်နှင့် ဆံပင်ကေပုံစံကို ထည့်သွင်းပုံဖော်ထားခြင်း ဖြစ်သည်။ အဆိုပါ ထူးခြားသည့် ရုပ်တုကြီးကို လာမည့် ဇူလိုင်လ ၂၈ ရက်တွင် ကျင်းပမယ့် ချော့ချိုင်ဝါဆိုပွဲတော်တွင် အပြီးသတ်ပြသသွားမည်ဖြစ်ရာ ဒေသခံရွာသားများ စိတ်လှုပ်ရှားလျက်ရှိသည်။